Unha das vivendas de Figueirido participantes no concurso do ano 2020

O Concello de Vilaboa confía na implicación de veciños e veciñas para encher de colorido e ambiente as vivendas da localidade, cunha perspectiva sostible e orixinal, nas próximas datas de Nadal. Para elo vén de convocar o II Concurso de Decoración e Iluminación de Nadal no que anima a participar a toda a veciñanza, ambientando un balcón, o patio exterior, toda a fachada ou o recuncho que cada quen escolla. Logo hai que fotografiar o resultado e enviar a imaxe, xunto coa
dirección da vivenda e un número de teléfono de contacto, a info@vilaboa.org antes do 10 de decembro.

Un xurado integrado por membros da administración local visitará cada unha das vivendas participantes no concurso entre o 10 e o 17 de decembro para escoller aos gañadores que recibirán os seus premios antes do 23 de decembro: tres cestas cheas de produtos típicos destas datas para os dous primeiros e 150 euros para o terceiro, antes do 23 de decembro. I é que nesta segunda edición o Concello introduce como novidade que o terceiro premio sexa ao traballo colectivo, incentivando a colaboración entre a veciñanza cunha agasallo en metálico para o barrio ou lugar mellor decorado

O xurado premiará a creatividade, a orixinalidade, a iluminación e o espíritu de Nadal pero tamén o emprego de materiais que permitan levar a cabo unha decoración de Nadal orixinal e sostible.

O Concurso de Nadal busca tamén convidar á veciñanza a sair da casa, dinamizando o consumo nos establecementos locais co pretexto de gozar do alumeado.

As bases do concurso, que recollen que a decoración debe manterse ata despois do 6 de xaneiro e que debe haber un mínimo de 15 participantes para que se manteña, poden consultar na web do Concello, www.vilaboa.org

DEJA UNA RESPUESTA

Por favor ingrese su comentario!
Por favor ingrese su nombre aquí