O alcalde cos docentes esta mañá no Concello de Vilaboa.

César Poza participou nunha reunión de traballo co profesorado responsable desta iniciativa, na que están dous dos tres centros educativos de Vilaboa

O alcalde de Vilaboa, César Poza, mantivo esta mañán unha reunión de traballo co profesorado responsable do programa “Observa Acción”, da Consellería de Educación, e no que están participando dous dos tres centros educativos de Vilaboa: o CRA de Vilaboa e o CEP Riomaior.

Trátase dun programa de observación docente no que o profesorado vilaboés entra nas aulas do centro asignado, co que intercambiará boas prácticas docentes durante un máximo de 2 días, mentres actuará como mentor e observador, compartindo, colaborando, reflexionando, observando e formándose mutuamente. En concreto o CRA de Vilaboa traballa nas competencias dixitais na educación e transformación de centros e a competencia en innovación e investigación.

Este encontro, que se celebrou no Concello coa presenza do alcalde, a directora do CRA María Concepción Pérez Núñez e o responsable do programa Borja Varela Paz, e de xeito telemático a directora do CEP Riomaior María del Carmen Negro, permitiu a César Poza coñecer a realidade dunha aula e compartir experiencias, información e proxectos en materia de tecnoloxía e innovación educativa.

Posteriormente o alcalde participou nunha actividade na emisora escolar creada pola comunidade educativa do CEP Riomaior.

Deja una respuesta

Tu dirección de correo electrónico no será publicada. Los campos obligatorios están marcados con *