Os Bombeiros do Morrazo, con axuda da Policía Local de Moaña e a Garda Civil, sufocaron onte á noite un incendio na vivenda abandonada situada fronte á gardería A Galiña Azul de Moaña, en Quintela. Afortunadamente non houbo feridos.
Non é a primeira vez que esta casa, frecuentada por toxicómanos, sae ardendo. De feito, é frecuente que os Bombeiros teñan que acudir a esta vivenda para sufocar lume.