Fin de semana de San Martiño atarefado para a Policía Local de Moaña. Os axentes informan de varias pelexas na zona do adro da igrexa de San Martiño, aínda que á súa chegada xa se disolveron. Todas menos unha, a dun home que, segundo a vítima, agrediu a outro na madrugada do sábado que lle recriminou a súa actitude cando discutía coa súa parella no recinto das festas. Causoulle lesións tanto a el como á súa muller que interveu para frear a agresión. Ao autor instrúenselle dilixencias por un delito leve de lesións. Todos son veciños de Moaña.
E o venres abríronse dilixencias por un delito de danos en vehículos. Identificouse a un moañés de 17 anos como presunto autor.