Segundo confirman fontes do TSXG, o único detido polo momento polo crime de Cándida Soaje, a veciña de Moaña asasinada a pasada fin de semana na súa casa, pasará mañá a disposición xudicial nos xulgados de Cangas.
Mañá cúmprense as 72 horas como máximo que un detido pode estar nas dependencias policiais, polo que ao longo da mañá será trasladado ás dependencias da Avenida de Galicia para prestar declaración ante a autoridade xudicial.
Mentres tanto, a Unidade de Criminalística da Garda Civil está a tratar de solicitar probas e recoller declaracións á contorna do detido para reproducir o ocorrido o sábado na vivenda da zona de Vilela, na parroquia moañesa de Tirán.