Conmemorarán o Día Internacional da Esclerose Múltiple cunha mesa redonda no xardín do Concello na que participarán médicos expertos e directiva e que culminará cun concerto de Its Soul e Wanna
Aínda que a idea parte de Moaña, onde residen todas as súas directivas, a actividade da Asociación de Esclerose Múltiple do Morrazo (EMMO) desenvolverase en toda a comarca. Aínda están en proceso oficial de constitución, pero teñen moi claro que teñen que facer e como van organizarse para axudar a todas esas persoas da comarca que padecen esta doenza e tamén aos seus familiares, un piar importante para soportar a enfermidade. O próximo 30 de maio é o Día Internacional da Esclerose Múltiple e que mellor data para presentarse e informar a tod@ s aquell@s morracenses que queiran coñecer de preto esta patoloxía crónica, tratable aínda sen cura, e sumarse á iniciativa.
A cita será o vindeiro venres 28 nos xardíns do Concello de Moaña ás 20:00 horas, onde se realizará unha mesa redonda na que participarán a presidenta e vicepresidenta de EMMO, María Sanluís e Leo Rodríguez, dous expertos en Neuroloxía dos hospitais Povisa e Álvaro Cunqueiro de Vigo e o doutor en medicina e cirurxía, Jorge Cameselle, grazas ao cal esta iniciativa é unha realidade. «É o noso padriño porque en 2017 foi o que nos propuxo organizarnos e crear unha asociación de afect@os pola Esclerose Múltiple no Morrazo, as máis próximas están en Vigo e en Santiago», explicou a Morrazo Noticias Sanluís.
Como guinda da tarde, a actuación de Its Soul e Wanna Dee, un grupo moañés que deixará a pincelada de «optimismo e positividade, ou mesmo pouso que dende EMMO e ou Concello de Moaña queremos trasladar. A Esclerose Múltiple é un enfermidade silenciosa que pretendemos rachar coa forza e positividade destes músicos moañeses», avanzou o concelleiro de Igualdade, Xosé Daniel Costas, quen desde o seu departamento xunto co de Benestar Social que dirixe María Ortega apoian este nacemento.
Tod@s as directiv@as que compoñen EMMO son tamén pacientes ou familiares de persoas que sofren esta enfermidade da que na área de Vigo diariamente detéctanse decenas de casos. Casualmente, a comarca do Morrazo é unha das zonas máis numerosas aínda que non existe un rexistro do número de afectade@s, precisamente porque ata o momento non ten un colectivo no que poidan estar agrupade@s. Por esta razón, o principal obxectivo da directiva é «visibilizar a enfermidade» para que aquell@ s diagnosticade@ s e as súas familias reciban a axuda necesaria para poder convivir coa enfermidade da mellor maneira posible.