Imaxe dunha actividade en anos anteriores.

A Xunta de Galicia anuncia que entre os programas dirixidos a menores de 30 anos, nos que a Xunta gastará 1,8 millóns na área de Vigo, financiará o denominado Moaña Moza II para a organización e xestión de eventos e actividades de tempo libre educativo infantil e xuvenil. Os proxectos coma este son promovidos por concellos, mancomunidades de concellos e entidades públicas dependentes ou vinculadas a concellos ou mancomunidades.

Estes programas tamén inclúen a posibilidade de que os alumnos e alumnos, ao remate dos obradoiros, poidan optar a un contrato laboral nunha empresa da contorna durante un mínimo de seis meses a xornada completa para ocupacións nas materias impartidas na fase de formación. En definitiva, os obradoiros dirixidos a menores de 30 anos son programas mixtos de emprego e formación que teñen por finalidade ocupar a persoas desempregadas mediante a realización de obras ou prestación de servizos de interese xeral e social que posibiliten ao alumnado a realización dun traballo efectivo que incida na súa cualificación e favoreza unha posterior inserción laboral. O obxectivo é incrementar as oportunidades laborais dos galegos e galegas para minimizar os efectos da crise sanitaria.

No conxunto de Galicia, o Goberno galego destinará este ano preto de sete millóns de euros para a posta en marcha de 19 obradoiros que beneficiarán a máis de 300 mozos e mozas de 18 anos o máis inscritas e en situación de beneficiarias no Sistema Nacional de Garantía Xuvenil. Os participantes, ademais de recibir formación de calidade, contarán cun contrato de traballo de 12 meses de duración.

Deja una respuesta

Tu dirección de correo electrónico no será publicada. Los campos obligatorios están marcados con *