Foto de familia dos participantes no último programa Educar en Igualdade de Moaña.

A concellería de Mocidade de Moaña pon en marcha as Xornadas en Igualdade programadas para os meses de novembro e decembro na Casa da Mocidade. A primeira actividade será os días 3, 10, 17 e 24 de novembro de 16:00 a 19:00 horas con obradoiros de música, baile e actividades plásticas.

O 6 novembro de 11:00 a 13:30 horas prevese unha saída inclusiva no Galeón Eliseo con Aspamsim. O 14 de 10:00 a 14:00 horas, nova saída inclusiva polos miradoiros da contorna de Chan d´ Arquiña de Domaio e o 16 de novembro ás 18:00 horas contacontos con AZ Lingua de Signos.

Xa en decembro, o día 2 ás 18:00 horas contacontos diversos e o 3 da man de María Faltri e Jorge Juncal, Lectura do Manifesto do Día Internacional Diversidade Funcional.

Xoguemos a Poetizar con Miguel A. Alonso Diz o 9 de decembro ás 18:00 horas. O 18 ás 19:00 horas entrega do II premio de Relato Curto Lonxa Literaria – Concello de Moaña na sala Celso Parada do centro sociocultural Daniel Castelao.

Ademais, todos os mércores e venres de novembro e decembro de 17:00 a 19:00 horas Xoga imparte un curso de Lingua de Signos. En total hai dispoñibles 14 prazas para un formativo de 30 horas.

Deja una respuesta

Tu dirección de correo electrónico no será publicada. Los campos obligatorios están marcados con *