O marinense Santiago Louzao.

Este sábado, ás 12.00 horas, o Museo Manuel Torres acollerá a presentación do libro “Aquellos maravilloso años”, do marinense Santiago Louzao. Esta primeira novela do escritor, a cabalo entre Galicia e Cuba, supón unha viaxe ao pasado dun grupo de amigos, co propio autor como protagonista.

A educación, a sexualidade, a música, as drogas e toda a maneira de vivir durante a adolescencia deste grupo de personaxes será o fío conductor da historia, que quere ser unha oportunidade de viaxar a aqueles marabillosos anos de xuventude.

Santiago Louzao (Marín, 1977) viviu na nosa vila prácticamente toda a súa infancia e adolescencia. Iniciou os seus estudos de Bioloxía na Universidade de Santiago de Compostela pero anos despois reconduciu a súa vida como empresario no sector da hostalaría en Pontevedra. Posteriormente, tivo que marchar de Galicia por traballo. O primero destino foi Mallorca, onde exerceu como funcionario no Ministerio do Interior. A continuación, tivo que reciclarse novamente no sector dos hidrocarburos, tamén na illa.

Despois, volve emigrar, desta vez a Barcelona, para traballar como Expert Flight Dispatcher na aviación. Aquí, nesta última etapa, aproveitando a crise do sector a
causa da pandemia, é cando por fin saca adiante este libro, que tanto tempo levaba rondando na súa mente.

Tendo familia e amizades en Cuba e despois de máis de quince viaxes a esta histórica illa, tan vinculada a Galicia como se pode descubrir no libro, acabou por convertila na súa segunda patria.

Deja una respuesta

Tu dirección de correo electrónico no será publicada. Los campos obligatorios están marcados con *