Todos os días contra a Violencia de Xénero. Así se inicia a axenda preparada polo Concello de Marín, a través do Centro de Información á Muller, para o 25 de novembro, un día no que reivindicar o dereito a vivir sen medo de todas as mulleres e que na vila terá diversas actividades destacadas:
- 1.- Formación e sensibilización en igualdade
- Desde o CIM poñen a disposición da cidadanía unha actividade de formación e prevención da violencia de xénero organizada polo Concello de Marín, con temas como a igualdade, o sexo e o xénero, a división dos espazos ou as novas ,masculinidades. Pode consultarse a través da plataforma online do www.cimdemarin.es.
2.- Actividades para os centros educativos do municipio:
- A maleta viaxeira, unha iniciativa da Subdelegación do Goberno con material que axudará á reflexión, á sensibilización e á concienciación sobre a violencia de xénero, a igualdade, os estereotipos e os roles de xénero.
- Charla informativa sobre agresións sexuais e violencia, unha acción cofinanciada pola Secretaría Xeral de Igualdade e Rede de Entidades Locais contra a Violencia de Xénero, tratando contidos sobre a cultura da violación, o consentimento sexual ou a violencia sexual dixital, entre outros temas, dando ferramentas ao alumnado da ESO, ciclos e Bacharelato para identificar estas conductas.
- Pílulas audiovisuais contra a violencia de xénero: material cedido pola Confederación Nacional de Mulleres en Igualdade, no que se tratan cinco experiencias cotiás a modo de curtametraxes para a tomar de conciencia sobre relacións de parella abusivas adolescentes. 3.- Material de sensibilización e concienciación dispoñible para toda a cidadanía:
- Cadernos de anotación en conmemoración do 25N, con recursos necesarios, teléfonos de interese e contactos relacionados coa loita contra a violencia machista a nivel local e estatal
- Adhesivos de efecto espello para ser colocados en escaparates, ventás e portas acristalAdas, nos que se recolle información de recursos necesarios para loitar contra a violencia de xénero e apps de utilidade nesta materia.
4.- Exposición 15 anos de historia do Consello Municipal da Muller - Nesta mostra, que se poderá ver no vestíbulo do Concello do 22 ao 28 de novembro, repasarase a traxectoria do organismo municipal, que traballa en prol da igualdade e que realizar un labor importante, co obxectivo futuro de abrirse máis á cidadanía.
5.- Premios Lazo Violeta e acto institucional - O acto institucional será o 25N ás 12.30 horas no Salón de Plenos, coa lectura da declaración institucional, que se aprobará mañá no Pleno da Corporación e a entrega do premio ao colectivo de mulleres maiores. A homenaxe apoiarase na Residencia da Terceira Idade de Marín.
6.- Vídeo “Mulleres invisibles, realidades visibles” - O mesmo día do acto institucional proxectarase a testemuña real da violencia exercida sobre as mulleres maiores, realizada en formato audiovisual polo Concello. Servirá para dar voz á realidade que sofren moitas mulleres maiores, en relacións de parella abusivas cronificadas no
tempo.