O goberno local de Cangas adxudicou á empresa Deseño Enxeñería e Xestión de Obras a execución do abastecemento de auga na Rúa Santas, en Gandón, Aldán, por un importe de 32.091 euros, ao presentar a oferta máis económica. A actuación, da que se beneficiará un grupo de vivendas residencias que ata o de agora carecen deste servizo, financiarase cunha aportación a través do Plan Concellos e con fondos propios municipais.
A actuación recolle a instalación da tubaxe para o abastecemento de agua nun camiño situado entre a PO-315 e a Avenida José Novas, conectando coas canalizacións xerais existentes en ambas vías.
Segundo recolle a memoria do proxecto instalaranse 250 metros de tubaxe de PE PN 10 de 63 centímetros de diámetro e dúas arquetas con válvula de illamento nos puntos de conexión para proceder posteriormente á reposición do asfalto.
Victoria Portas, alcaldesa de Cangas, considera imprescindible ir extendendo a rede de servizos básicos, como saneamento e abastecemento, a todos os rueiros municipais ata completar a totalidade do territorio municipal; servizos que considera esenciais dentro do obxectivo global do coidado ambiental