A praza da Casa da Cultura de Seixo segue acollendo cada luns o recentemente
inaugurado Mercadillo de Seixo, que nestes momentos ten unicamente habilitados o 50%
dos postos debido ás medidas de restrición actualmente vixentes na nosa localidade por
mor da pandemia do coronavirus.
A reactivación deste mercadillo era un importante reclamo dos comerciantes da parroquia
marinense, que a día de hoxe seguen traballando cóbado con cóbado co Concello para a
súa incentivación.
A través de ACEMAS, a Asociación de Comeciantes Marín Sur, cada luns sortéanse
bonos por valor de 30 euros entre os que realicen compras ese día, para despois poder
computar ese gasto de novo no propio mercadiño.
Onte o sorteo elevouse a 90 euros, debido a que se acumulou o montante das pasadas
dúas semanas, nas que a choiva impediu que se realizase o sorteo.
Con esta campaña, Acemas trata de conseguir unha dinamización comercial na zona,
incentivando este mercadiño.