O Concello de Moaña, a través da concellería de Cultura, organizou un programa para celebrar o Día das Letras Galegas, o 17 de maio. Os actos comezarán este luns cunha charla de Ricardo Gurriarán no salón de actos do Concello ás 19:30 horas e que será impartida polo poeta valderroés Florencio Delgado Gurriarán. O venres 13, tamén no Concello, presentación a cargo da Irmandade do Dolmen do libro «A perda do uso de idiomas ibéricos. caso especial do galego e as dúas primeiras enquisas sobre o uso do galego».
Ao día seguinte, o 14, Festival das letras galegas non centro sociocultural Rosalía de Castro de Domaio con Charaviscas. A partir das 19:00 horas haberá un recital no que contarán coa participación da agrupación pontevedresa O Piollo Teatro e a súa obra «Nunca sabes o forte que é…».
O Rechouchío sobre Florencio Delgado Gurriarán a cargo de Trémola Teatro para nenos a partir de 6 anos será a actividade do xoves 19 na sala Celso Parada. E o sábado 21, Festival Folclórico das Letras por primeira vez dentro da programación polo 17M. Será ás 18:30 horas cun desfile dos grupos folclóricos de Moaña desde a estatua dos mariñeiros do paseo marítimo ata o palco da música. Ás 19:00 horas actuarán AFCX Meiramar Axóuxeres, Gaiteiros de Moaña, Charaviscas, Cantareiras Arco dá Vella, Breogán, Solaina e Salgharitas.
Como colofón, o domingo, actuación no palco da música da Banda de Música Airiños do Morrazo cun pasacalles polo paseo marítimo e actuación ás 12:30 horas.