Desde hoxe, Marín convértese na capital española dos Makers! Traballo en madeira, con ferro, soldadura, arte, filosofía do it yourself, demostracións, reciclaxe e sostibilidade… Todo iso é o Spanish Makers Camp, que se celebrará na Pradeira (parroquia de O Campo) esta fin de semana, desde hoxe xoves ao domingo, sendo a primeira edición deste evento en España!
A entrada é libre e gratuita e poderase coñecer de cerca o traballo de máis de 30 profesionais deste sector, que tamén ten unha espectacular repercusión no mundo dixital, con miles de seguidores nas súas redes e canles de Youtube.