Dan un ultimátum á Confraría da Misericordia ata as 12 de hoxe
A Confraría de La Misericordia non se presenta á reunión que convocaron onte pola tarde o resto das irmandades para tratar de acordar unha saída de todas as imaxes en Semana Santa. Un plantón que fixo ao resto das agrupacións dar un ultimato e poñerse a traballar ás portas da excolegiata. A confraría de Los Dolores leva desde primeira hora desta mañá montando o palio na praza mentres varios directivos trataron infructuosamente de falar co sacerdote, Don Severo Lobato, para que acceda a dar permiso para sacar á virxe do interior do templo. «Non nos quere falar, di que non ten tempo para nós», explica Antonio Fernández, da confraría do Cristo Resucitado.
Din, van ir a por todas a través do diálogo. «Non imos facer nada por forza pero queremos ter a oportunidade de falar para poder saír esta semana Santa. É o que queren os irmáns e o que demanda o pobo de Cangas», manifestaba hai só uns minutos a secretaria da Irmandade de Los Dolores y Soledad, Sheila Lorenzo.
Ás 12 da mañá convocaron unha última reunión á que convidaron a La Misericordia «que non nos colle o teléfono», precisan.