Os famosos roteiros guiados que o Concello organiza de forma gratuíta para todas aquelas persoas que queren coñecer os recunchos de Moaña de forma didáctica regresan novamente este outono. E, ademais, segundo informan desde a concelleira de Promoción Económica que as organiza, fano cargadas de sorpresas porque en cada saída regalarase merchandising de Moaña Son de Mar e, mesmo, o libro O Último Barco do falecido Domingo Villar.
O primeiro roteiro terá lugar o domingo 25 pola Poza dá Amora de Domaio. Partirá ás 10:00 horas, aínda que será a única porque o resto arrincarán ás 10:30 horas. O día 1 de outubro tocaralle ás Canteiras do Litoral de Moaña, e o domingo 16 o roteiro literario «O Último Barco» pola parroquia de Tirán. O 23, regreso á Poza dá Moura de Domaio e o sábado 29 os asistentes poderán gozar da Moaña Mariñeira. Para pechar outubro, o 30, Sendeiro da Fraga de Moaña.
Para o mes de novembro está prevista o roteiro por San Martiño o domingo 13 e Mulleres da Historia de Moaña para o 27.
Os interesados en inscribirse deberán facelo no 611080853 vía WhatsApp o en www.illadosratos.org.
