Moaña fai público o cartel de Cine de Verán ou Cine na Rúa, que este ano inclúe dúas novas localizacións. Unha na parroquia de San Martiño e outra nos Xardíns do Concello. A primeira sesión arrincará este venres no parque infantil de Tirán coa proxección de «Live is Live». O luns 24 será no aparcamento de Centro Sociocultural Daniel Castelao con «El Buen Patrón» e o sábado 5 de agosto «O Corpo Aberto» nos Xardíns do Concello.
O Adro da Peregrina converterase en sala de cine o venres 11 de agosto para proxectar «Encanto». A praza 25 de xullo, no barrio do Rosal, emitirase «O Monstro Mariño» o venres 18, «Contorna» no CEIP Domaio o 25 e, finalmente, o adro da Capela dos Milagres pechará este ciclo o venres 8 de setembro con «Demos de Barro».
Este Cinema na Rúa está organizado polo Concello de Moaña en colaboración coas asociacións de veciños.
