Esta mañá na carpa do Revitaliza en Moaña.

As mestras composteiras da Deputación atenderon a unhas 130 persoas e rexistraron 25 solicitudes para recibir composteiros individuais. Mañá instalarase en Bueu

A carpa informativa do Plan Revitaliza da Deputación tivo hoxe unha grande acollida na súa visita a Moaña, o primeiro dos tres concellos do Morrazo que visitará esta semana. As mestras e mestres composteiros atenderon ao longo da mañá a preto de 130 persoas interesadas na compostaxe, tanto sobre os composteiros individuais como sobre os composteiros
comunitarios.

A afluencia de persoas foi continua e preto de finalizar a xornada xa se formalizaran 25 inscricións para dispoñer dun composteiro individual.

Segundo explica o persoal da Deputación, todas as persoas que hoxe solicitaron o COIN poderán recollelo próximamente logo dunha charla de formación específica xunto con todo o material necesario (remexedor, termómetro e guía de uso). Para a veciñanza interesada en ter un composteiro en breve aínda quedan oportunidades para preinscribirse.

Ademais da xornada de hoxe no barrio do Seara, a carón do composteiro comunitario na rúa Concepción Arenal, a veciñanza do Morrazo tamén recibirá a carpa mañá xoves día 3 de setembro en Bueu a carón da Praza de Abastos; e o venres día 4 de setembro en Cangas, na praza do Concello.

Na mesa informativa de hoxe, as e os cidadáns que se achegaron recibiron explicacións do persoal técnico provincial sobre a compostaxe e como se debe xestionar o lixo orgánico, xa que a finais deste ano a Unión Europea esixirá un tratamento sustentable. A intención das xornadas informativas coa carpa está en que toda a xente que se achegue saiba que compostar é sinxelo e que a compostaxe convirte o lixo orgánico nun recurso, dándolle
unha nova vida ao convertelo en compost.

As persoas, ademais de cubrir as inscricións para participar na compostaxe comunitaria ou solicitar un composteiro individual, recolleron diferente material divulgativo e de concienciación para que compostar sexa aínda máis sinxelo (imáns, guías, bolsas) e puideron levar unha mostra de compost.

DEJA UNA RESPUESTA

Por favor ingrese su comentario!
Por favor ingrese su nombre aquí