Hoxe retomáronse tres actividades do Aprende Moaña. O alumnado de quinto do CEIP Seara comezou a mañá coa andaina polo río Fraga preparados para descobrir o bosque de Ribeira mentres a rapazada de terceiro do cole de Reibón percorreron as rúas de Moaña da man do artista Lito Portela visitando os monumentos máis emblemáticos da vila. Estas son actividades que se facían cada ano e que a pandemia impediu levalas a cabo o ano pasado. A estas visitas asistiu a concelleira de Ensino e Deportes, Dolores Chapela.
Asemade hoxe comezaron cunha nova actividade dentro do programa Aprende Moaña para a rapazada de 4°da ESO, neste caso cos moz@s do IES As Barxas. Este novo Aprende Moaña céntrase na memoria histórica local e comenzou coa emisión do filme «A memoria dos avós», de Óscar Galansky, e rematou a sesión cunha charla impartida polo escritor e poeta moañés Luís Chapela, que complementou a xornada con anécdotas e datos revelantes da represión que se viviu en Moaña durante o alzamento e a Guerra Civil española.
A rapazada recibiu como agasallos 10 exemplares para a biblioteca do centro do «Caderno da Memoria» de Luís Chapela.
Á maratoniana xornada (4 sesións en toda a mañán) asistiu o concelleiro de Mocidade Daniel Costas.