Aparece en Aldán a moza de Bueu á que buscaban desde fai cinco días

A buenense María Jesús González Lago, de 30 anos, á que á súa familia buscaba desde o pasado 10 de agosto foi localizada a última hora de onte en Aldán, Cangas. Os seus seres queridos, agora máis tranquilos, recoñecen que non se atopaba en bo estado pero polo menos descartan que puidese estar fóra de Galicia como sospeitaban.