Santos, Freire, Costas e as educadoras esta mañá xogando ao futbolín.

Creáronse aulas multifuncionais con xogos de mesa, videoxogos, mesas de ping pong, de tenis e, mesmo, un futbolín. Ademais, desde o 21 de decembro e ata o 7 de xaneiro organizáronse talleres nos que os mozos poderán participar previa inscrición

O goberno local de Moaña, e especialmente o edil de Mocidade e Igualdade, Xosé Daniel Costas, empeñouse en impulsar a Casa da Mocidade e convertela nun lugar activo para os niñ@ s e para a mocidade do municipio. Un espazo de encontro que os mozos teñan en conta cando pensen en reunirse, compartir afeccións, practicar determinados deportes e, mesmo, rir coa Wii… E para logralo déronlle un aire novo con estancias multifuncionais nas que compartir diferentes experiencias.

Na primeira planta os usuarios e usuarias poderán gozar de xogos tradicionais de madeira, ping pong, videoxogos, xogos de mesa, zona » chill out» para pelis, aula de informática (aula cemit) ou un recuncho informativo tanto sexual como académico e laboral.

Na planta baixa, un futbolín e unha mesa de tenis, ademais dun salón polifuncional con mesas que poden ser usadas para a lectura, a escritura ou traballos en equipo.

A alcaldesa, Leticia Santos, e a tenente de alcaldesa, Marta Freire, acudiron esta mañá á Casa da Mocidade para, xunto ao edil, poder visitar as instalacións e, mesmo, divertirse con algunhas delas.

Obradoiros de Nadal

A intención do concelleiro de Mocidade é ofrecer alternativas á mocidade de Moaña durante as próximas dúas semanas non lectivas e para iso tamén organizou distintos obradoiros que se desenvolverán na Casa da Mocidade.

O primeiro será de introdución á arte urbana con spray (grafiti) o 21 de decembro entre as 16:00 e as 20:00 horas e, ao finalizar, concerto de Amorodo X Verso Libre. O martes seguinte, 28 de decembro, de 18:00 a 20:00 horas, taller de Ilustración Feminista Bravas e, novamente, para concluír concerto acústico de Braava!.

O venres 24 torneo de futbolín en parellas de 10:00 a 14:00 horas, o venres 30 torneo de tenis de mesa no mesmo horario e o venres 7 de xaneiro, xogos tradicionais durante a mañá. Nestes `Torneos de Nadal´ os tres primeiros seleccionados terán premios e o resto de participantes poderán entrar no sorteo doutros.

E para os afeccionados ao xadrez, o día 30 de decembro, primeiro torneo de Nadal con 24 prazas e para todas as idades.

Para participar será necesaria inscrición previa ata o mesmo día de celebración do obradoiro e dos torneos a través do correo mocidade@concellodemoana.org ou no whatsApp 649683923. Os concertos serán ata completar aforo.

Deja una respuesta

Tu dirección de correo electrónico no será publicada. Los campos obligatorios están marcados con *