Un coche que estaba aparcado esta madrugada na rúa Pazos Fontenla, no centro de Bueu, ardeu esta madrugada por causas que aínda se descoñecen. A Policía Local atópase investigando o suceso para determinar que orixinou o lume, que calcinou todo o interior do vehículo. As lapas foron apagadas polos propios axentes sen necesidade de que acudisen os Bombeiros do Morrazo
Ocorreu ao redor das 5 da madrugada nas inmediacións da Escola Náutica sen que se producisen danos persoais.