Presentación da Festa esta mañá en Santomé de Piñeiro.

Santomé de Piñeiro acollerá o próximo fin de semana, 8 e 9 de outubro, a XXII edición da Festa da Mazá e da Sidra. A presentación da festa gastronómica máis popular do rural marinense foi realizada por Manuel Domingos González, acompañado por representantes do Concello e por Botón de Ancla.

Nestes días se recollerá máis de 3.000 kg de mazá que servirá para a elaboración de 1.000 litros de zume de mazá, xa que este ano pola falta de chuvia a mazá ten menos xugo que en edicións anteriores.

A festa retómase despois dos 2 anos de pandemia nos que non se puido celebrar, comezará o sábado día 8 ás 10 da mañá coa apertura dos postos de venda de sidra, mazás artesanía, polbo, empanadas, churrasco… A continuación, ás 12:00 horas, haberá a saída da Ruta Cabalar, acompañada ás 13:00 horas da Charanga Os de Carballido. Pola tarde, ás 16:00 horas, Carreira Pinga Pinga e pola noite a partír das 21:00 horas gran verbena amenizada pola Orquestra Magos e Marietta.

O domingo 9, continuarase cos postos de venda e ás 11:00 horas iniciarase a Concentración Cabalar do país e ás 12:00 horas haberá actuación da Charanga A Cabeza non Para. Ás 13 horas dará lectura do Pregón a coñecida marinense Mar García, máis coñecida como Cari Cari. E pola tarde, ás 17:30 o espectáculo cabalar “La Magia del Caballo”. A festa rematará co tradicional Concurso de Empanada de mazá ás 19:30h.   

A organización anima a que haxa relevo para que esta festa de tanta tradición pódase continuar celebrando en próximas edicións.

Deja una respuesta

Tu dirección de correo electrónico no será publicada. Los campos obligatorios están marcados con *