A Asociación Cultural e de Pesca Deportiva Ría de Marín celebrou esta mañá no local municipal de Cantodarea a clausura do seu curso de verán, no que tiveron máis de 30 nenos e nenas participantes, e ata onde se achegou a concelleira Itziar Álvarez.
Durante os luns, mércores e venres deste mes, os rapaces aprenderon da man dos membros da asociación as distintas artes de pesca, técnicas de pesca nos peiraos do Porto e ademais saíron en embarcacións varias veces pola ría. Para este curso, a asociación contou co apoio económico do Plan Social de Ence.