Un Consello Municipal da Sanidade de Cangas no 2021.

O Concello Municipal de Saúde, reunido en Cangas na tarde do mércores, acordou trasladar á Consellería de Sanidade un borrador do Plan Funcional que incorpora todas as aportacións realizadas polos diferentes colectivos e agrupacións políticas que o conforman. A alcaldesa de Cangas, Victoria Portas, confía en que a Consellería de Sanidade recolla as melloras incluídas neste novo borrador no que o tecido asociativo e político cangués defende a compatibilidade do futuro Centro Integral de Saúde co centro de Atención Primaria de Aldán e co consultorio de O Hío, entre outras moitas cousas.

Victoria Portas insiste na necesidade de defender unha sanidade pública e de calidade e que este plan asistencial sexa un documento sólido que reflexe unha mellora cuantitativa en canto á prestación dun servizo asistencial de calidade e lamenta a postura demagóxica e contradictoria do Partido Popular, que en Cangas pretende defender a sanidade pública cando as súas políticas a nivel autónomico van nunha liña “totalmente oposta”, de desmantelamento dun servizo esencial no que cada vez merma máis a plantilla de profesionais sanitarios e as súas condicións laborais son máis precarias. “Ainda que veñan a Cangas decir outro tipo de cousas, o que fai o Partido Popular o padecen os veciños e veciñas cada día, con consultas pechadas, sen profesionais que atendan, cunha precariedade insoportable que continuará tendo resposta nas rúas”, explicou.

Victoria Portas pide “consenso” nun tema que afecta a toda a veciñanza para defendrer unha “sanidade púbica, de calidade e con dotación de medios materiais e humanos”.

En canto aos terreos para a construcción do novo centro, a alcaldesa de Cangas insiste en que é necesario cumprir unha serie de trámites administrativos que poden demorarse arredor dun ano, como xa informou ao conselleiro de Sanidade. Ese é o tempo que tardará en estar aprobado o Plan Especial para a modificación do uso do chan en A Rúa. Un tempo, apunta a alcaldesa, que pode dedicar a Consellería a elaborar un Plan Funcional en condicións e consensuado cos colectivos cangueses e con profesionais sanitarios que coñecen as debilidades dos centros de atención primaria de Cangas.

Deja una respuesta

Tu dirección de correo electrónico no será publicada. Los campos obligatorios están marcados con *