O colexio cangués Compañía de María, catro finalistas entre os 14 seleccionados, foi o gañador do IV Certame Comarcal de Regueifas o Poesía Improvisada celebrado no auditorio de Cantas e no que participaron alumnos de oito centros do Morrazo: CPR Sagrada Familia (Cangas), CPR Compañía de María (Cangas), CPR Eduardo Pondal (Cangas), IES de Rodeira (Cangas), IES Monte Carrasco (Cangas), IES A Paralaia (Moaña), IES As Barxas (Moaña) e IES Illa de Ons (Bueu).
Aínda que o colexio Compañía de María gañou o certame, o xurado, composto por Daniel Costas, Sara Malvido e Nébeda Piñeiro, seleccionou a catro persoas gañadoras: Noa Caride (CPR Eduardo Pondl), Pedro Juncal (IES A Paralaia), Héctor Pastoriza (IES Monte Carrasco) e Andrea Guimeráns (CPR Sagrada Familia de Aldán).
As áreas de Normalización Lingüística de Moaña, Cangas e Bueu, en colaboración coa Deputación de Pontevedra e a Asociación ORAL (Oralidade, Rima, Arte e Lingua) levan organizando desde 2017 o Certame Comarcal de Poesía Improvisada do Morrazo.
O Certame viuse interrompido nos últimos dous cursos como consecuencia das medidas de prevención ante a Covid-19. Este curso, aínda que cunha redución do número de persoas participantes, o evento terá lugar no Auditorio Municipal de Cangas o martes 9 de novembro de 2021 entre as 10:00h e as 13:00h.
Os obxetivos deste certame son dar a coñecer a poesía oral improvisa en verso, espertar o interese pola práctica da técnica da improvisación que forma parte da noso patrimonio cultural e achegar recursos para a expresión oral. Ademáis de fomentar a creatividade e a posta en escena, aumentar a competencia lingüística e musical, desenvolver a memoria e crear contextos informais e espazos de lecer de calidade que poñan en valorexpresión lúdicas e enxebres do noso patrimonio antropolóxico e cultural sen esquecer convivencia entre o alumnado da mesma idade dos centros da comarca.