Coas rodas cara arriba. Así quedou o coche de dous mozos, de 18 e 20 anos, que o luns pola tarde-noite baixaban da autovía do Morrazo para incorporarse á rotonda de Broullón, en Moaña. Segundo a Policía Local, o condutor tratou de frear o coche pero non puido, probablemente porque fixo aquaplaning, e acabou envorcando. Como consecuencia do accidente os dous ocupantes resultaron feridos leves, aínda que foron trasladados ao hospital por seguridade.
O vehículo envorcado no acceso á rotonda.