O seu acompañante, outro mozo de 19 anos, está ferido de gravedad e tivo que ser excarcerado polos Bombeiros
Un mozo de 28 anos e veciño de Vigo faleceu esta mañá tras caer o coche que conducía por un terraplén duns dez metros en Nerga, en Cangas. O seu acompañante, outro mozo vigués de 19 anos, resultou ferido grave cun traumatismo cranioencefálico grave e tivo que ser excarcerado polos Bombeiros do Morrazo para ser trasladado ao hospital.
Polo momento descoñécense as causas exactas do accidente, aínda que se pensa que puido deberse a un exceso de velocidade. A voz de alarma dérona uns ciclistas que pasaban pola zona minutos antes das 8:30 horas.
Os xestores do 112, nada mais recibir o aviso, puxeron os feitos en coñecemento do Servizo de Urxencias Sanitarias de Galicia-061 e dos Bombeiros do Morrazo. Ademais, informaron á Garda Civil de Tráfico, á Policía Local e ao Servizo Municipal de Protección Civil.