Terreos de Sisalde onde se construirá o centro de saúde.

O Goberno Municipal de Moaña continua co procedemento administrativo para conseguir que o centro de saúde de Moaña sexa unha realidade o máis pronto posible.

Neste caso, vén de publicar na plataforma de contratación pública o procedemento de licitación para a contratación das obras de urbanización. Isto permitirá que as empresas que queiran optar á execución da obra xa poden presentar as súas ofertas económicas.

O proxecto de urbanización execútase cun financiamento procedente da Deputación de Pontevedra e de fondos propios do Concello. A Administración provincial poñerá o 46,80 por cento a través do Plan Concellos (113.136,76 euros) e o 53 por cento sairá das arcas moañesas, 128.608,45 euros.

A posibilidade de asumir inicialmente o propio concello o 100% do custe da obra de urbanización débese ao sistema de desenvolvemento elixido, o de Cooperación, que tal como se recolle na Lei do Solo, permite esta posibilidade. Unha vez rematada a urbanización e recepcionada, cada propietario do ámbito asumirá a súa parte do custe en función da porcentaxe que posúan dentro do mesmo.

Obras a executar

As obras de urbanización consisten básicamente na apertura dun vial de dirección única de 146,50 metros de longo e 12 metros de ancho que comunica as rúas Sisalde e Rosalía de Castro. Tamén se ordenará a zona verde prevista no PERI.

As beirarrúas son de 2 e 2,80 metros de ancho e a calzada terá 5 metros de ancho e haberá unha liña de aparcamentos, 44 prazas en total, dunhas medidas de 2,20×4,80 metros, salvo a adaptada. Construiranse con formigón visto e granito.

En canto ás instalacións, colocansense os imbornales necesarios para evacuar a auga da calzada, ampliarase a rede de auga na marxe dereita, colocando unha tubaxe de PE110 onde se engancharán as novas bocas de rega e hidrantes, colocados segundo normativa. Tamén instalaranse farois de iluminación de calzada no lado das edificacións e de iluminación peonil na zona do paseo para realizar unha iluminación homoxénea tanto na zona peonil como no viario.

Deja una respuesta

Tu dirección de correo electrónico no será publicada. Los campos obligatorios están marcados con *