Foto de familia dos participantes no último programa Educar en Igualdade de Moaña.

Despois dunha longa parada debido ás restricións de aforo motivadas á
situación pandémica actual, e dada a melloría das condicións sanitarias actuais,
a Concellería de Benestar Social e Muller do Concello de Moaña retoma no mes
de outubro o programa Educar en Igualdade, cofinanciado pola Deputación
de Pontevedra e que engloba a “Escola de Familias” e as sesións “Sentir e
Pensar”.

A “Escola de Familias” é un proxecto dirixido ás familias do concello de
Moaña onde se forma e informa sobre aspectos do desenvolvemento evolutivo
das crianzas e da importancia da implicación das familias na súa educación. As
sesións se impartirán os mércores e poderase escoller horario de mañá ou de
tarde. As sesións serán de 11:00 a 12:45h., de 16:00h. A 17:45h., de 18:00 a
19:45h., ou de 20:00 a 21:45h. Aquelas familias que o desexen, en horario de
tarde e previa reserva, poden deixar ás súas crianzas no servizo da ludoteca
mentres asisten á sesión.

«Sentir e Pensar” está dirixido ás crianzas e tamén á poboación adolescente
coa finalidade de xerarlles valores e metas, de axudarlles a ser persoas
emocionalmente saudábeis, a ter unha actitude positiva ante a vida, a saber
expresar os seus sentimentos… As sesións se impartirán os martes para os
cursos de primaria (1º, 2º e 3º de 16:00 a 16:45 horas e 4º, 5º e 6º de 17:00 a
18:15 horas ou de 18:30 a 19:45 horas), e os xoves para os cursos da ESO (de
16:00 a 17:15 horas ou de 17:30 a 19:15 horas).

Ambas actividades se impartirán na ludoteca municipal e son gratuítas para a
cidadanía. Seguindo a normativa publicada no DOG relativa a este tipo de
actividades, realizaranse cun aforo máximo de dez persoas máis a psicóloga
encargada de impartir as sesións, sempre respectando as distancias
interpersoais de seguridade e as oportunas medidas de hixiene, limpeza e
ventilación.

As temáticas que se tratarán son comúns a ambos programas, adaptándoos a
cada grupo de idade. En sesións de unha hora e media, trataranse temas
relacionados cos trastornos de alimentación, a resiliencia, como explicar as
enfermidades, educar con filosofía, técnicas básicas de disciplina…

Para maior información e para a inscrición en calquera dos programas hai que
chamar ao teléfono da ludoteca 986 31 50 38 en horario de tarde.

Deja una respuesta

Tu dirección de correo electrónico no será publicada. Los campos obligatorios están marcados con *