Marcos Landón e Roberto Varela, organizadores do festival, xunto á alcaldesa Victoria Portas e a concelleira de Cultura Autora Prieto.

O heavy metal volve a Cangas tras o Covid co Kanekas Metal Fest. A Asociación Cultural Morrázica presentou onte o cartel do seu XI edición que terá lugar o 22 e 23 de xullo na chaira do novo aparcamento das naves de Ojea, cuxas obras finalizarán nos próximos días. O cartel está composto por 13 bandas, lideradas por Toudra e Incantation, que chegan desde Nova York para impregnar a Cangas do sentimento e a música metalera.

O venres 22 de xullo ás 19:00 horas subiranse ao escenario Santo Rostro (Jaén), Dismal (Pontevedra), Lóstregos (A Coruña), Altarage (Euskadi), Graveyard (Barcelona) e Toundra (Madrid). O sábado, Cochambre (Vigo), Serrabulho (Portugal), Mano de Piedra (Vigo), Balmog (Soutomaior), Ikarass (Euskadi) e Aphonnic (Vigo). Como prato forte, os amenicanos Incanttation.

Todos os concertos serán gratuítos, polo que resulta difícil computar cantas persoas adoitan asistir a este festival, o segundo máis importante tras o Resurretcion Fest. A organización, que fixo un esforzo por dar un gran «salto de calidade» nesta edición, agarda que se superen as 2000 persoas por día.

O obxectivo de Morrázica, ademais da música, é dinamizar o comercio local e apostar polos grupos emerxentes galegos e nacionais para ofrecerlles un escaparate único como é Cangas.

Deja una respuesta

Tu dirección de correo electrónico no será publicada. Los campos obligatorios están marcados con *