Baixo o lema «O verán que sempre vas lembrar», a Xunta de Galicia ofrece a campaña de verán máis ambiciosa de España. É a comunidade que máis prazas oferta, máis de 11.200, en campamentos, minicampamentos e campos de voluntariado, a maior proposta da historia en programación estival do goberno galego. Trátase dunha alternativa para que a mocidade gozar do tempo libre, pero tamén supón un recurso de conciliación para as familias e o fomento da convivencia, a tolerancia e a solidariedade. Todo, apostando pola conservación do medio ambiente, a riqueza do patrimonio histórico e cultural de Galicia, a etnografía, a arqueoloxía e a dinamización lingüística que característicos da comunidade.
De entre todas as actividades programadas, a que máis interese esperta entre os mozos son os campos de voluntariado, que a Xunta organiza en colaboración cos concellos, e que este ano suman catro máis en Santa Comba (A Coruña), Pantón (Lugo), Viana do Castelo (Ourense) e outro compartido en tres os concellos de Vilar de Santos e Allariz, na provincia de Ourense. A isto hai que engadir a recuperación dun campo específico en Castro do Rei (Lugo) para mozos que residen no exterior.
«O meu propósito é facer cada ano un campo de voluntariado e se é en galicia, mellor«
Daniel Isaías López Torres, participante no campo de voluntariado de Viana do Bolo
«As actividades que se ofertan se axustan moi ben ao que os mozos queremos»
«A verdade é que ía sen expectativas, pero ao final sorprendeume moi gratamente. O meu propósito agora é realizar cada ano algún campo de voluntariado e, se pode ser en Galicia, mellor», esta é a opinión de Daniel Isaías López Torres, un participante no campo de voluntariado de Viana do Bolo nacido en Venezuela e residente agora en Madrid. Valora que «as actividades que se ofertan se axustan moi ben ao que queremos os mozos e ademais supoñen unha oportunidade moi boa para coñecer xente, novos lugares e desfrutar da natureza e dos espazos naturais que ten Galicia».
Daniel estivo do 4 ao 15 de xullo nun campo de temática teatral no conviviu con outros mozos de Galicia, do resto de España e do estranxeiro. «Fixemos varias representacións na praza do pobo contando as lendas e mitos de Viana do Bolo. Encargámonos de todo o proceso: de elaborar o guión, facer os traxes, do atrezo. O teatro foi a actividade principal, pero tamén fixemos excursións, rutas, visitas…», lembra este mozo que coñeceu os campos a través da páxina de xuventude da Comunidade de Madrid e que ven a Galicia sempre que pode porque os seus abós eran de aquí.
Mozos de España e do extranxeiro
A provincia de Pontevedra é a que máis campamentos de voluntariado acolle, con 14, un máis que na Coruña, 11 en Ourense e 8 en Lugo. En total son 46 e deles destacan o das illas Cíes, o máis antigo dos que se realizan en Galicia con 700 prazas para mozas entre 18 e 30 anos que colaboran desinteresadamente en diferentes traballos e actividades para mellorar a contorna no que se realizan. Todos estes campos están abertos á participación de mozos procedentes doutras rexións de España e tamén de países estranxeiros.
Á súa vez, a mocidade galega tamén poden gozar do verán fóra da nosa comunidade participando en campamentos de Castela a Mancha, Castela e Legón, Estremadura, A Rioxa, Valencia ou, mesmo, fóra do noso país en Portugal, Francia, Islandia, Alemaña e Estonia.