Dende hoxe e ata o 30 de xuño deste ano, FECIMO, sorterá 1.600 euros cada mes para que moitos clientes do Comercio Local do Morrazo obteñan as súas compras gratis
Fecimo quere comezar o ano agasallando aos clientes do comercio de proximidade do Morrazo con moitas compras gratis. Deste xeito a Federación de Comerciantes e Industriais (Fecimo) pon en marcha dende hoxe, 18 de febreiro, e ata o 30 de Xuño deste ano unha campaña baixo o nome: “As túas compras no comercio local gratis».
Esta campaña presenta novidades con respecto a outras organizadas con anterioride pola Federación. A primeira é, que esta campaña, terá unha duración moito máis longa do normal e permanecerá activa máis de 4 meses. Ainda que o sistema de participación será moi similar ao dos últimos anos, onde os clientes farán o rexistro no sistema de participación dixital da páxina web www.comerciodomorrazo.com, a novidade, en este aspecto, é que, non serán precisos boletos, se non que para participar o cliente deberá rexistrar o seu tícket de compra, indicando tamén o importe e o establecemento onde fixo a compra.
Con este novo sistema, calquera compra superior a 10 euros, feita nun dos establecementos asociados ao “Comercio do Morrazo” poderá ser unha compra gratuita.
A federación, para garantir un maior número de tíckets premiados, estableceu un límite de bonificación cún máximo de 200 euros, polo que ainda que o valor da compra fose superior, as compras de máis de 200 euros recibirán unha tarxeta regalo con 200 euros. Deste xeito, a Federación, sorteará 1.600 euros cada mes en compras gratis.
Levaranse a cabo sorteos semais entre todas as compras rexistradas correctamente e de onde sairán os/as afortunados/as que logo recollerán unha Tarxeta Regalo polo valor da compra rexistrada no tícket da súa compra no establecemento onde tivo lugar a compra.
Fecimo quere lembrar aos clientes que é moi importante gardar os tíckets de compra rexistrados durante uns días xa que será preciso presentalos para validar posteriormente o premio no caso dos/as gañadores/as, tal e como queda recollido nas bases do sorteo.
Con esta campaña a Federación espera repartir máis de 250 compras gratis durante os proximos meses, axudando a dinamización da actividade do noso tecido comercial en Bueu, Cangas e Moaña.