Accidente aparatoso pero sen feridos o ocorrido a última hora desta mañá en Cangas, na PO-551, fronte ao restaurante A Toda Brasa. Produciuse por alcance pero non houbo que lamentar feridos.
Pero non foi o único. Tamén un motorista tivo que ser trasladado a un centro sanitario tras saírse da vía e sufrir rasguños nun brazo e a perna esquerda. Ocorreu na rúa Sierra Poniente, á altura do número 2.
En ambos os casos actuou Protección Civil de Cangas.