Garda Civil e Policía Local de Moaña desmantelaron á primeira hora desta mañá unha plantación de marihuana nunha vivenda da zona de Palmás, na parroquia de Domaio. Segundo informa a Policía Local, nunha leira incautaron 10,2 quilos de marihuana e detiveron ao seu propietario, un veciño de 34 anos ao que se lle imputa dun delito de cultivo de substancias ilegais e de elaboración de estupefacientes. O acusado non ten antecedentes.
