Concello e veciños de Cantodarea nunha reunión na sala de xuntas.

Serán o 29 e o 30 de abril e o 1 de maio

A parroquia de Cantodarea xa quenta motores para as Festas de San Xosé, que a comisión de festas xa está comezando organizar. Serán o 29 e 30 de abril e o 1 de maio. A concelleira de Festas, Marián Sanmartín, reuniuse cos representantes da comisión, que informaron que comezarán a partir de agora a recadar fondos entre a veciñanza.

As orquestras que virán amenizar as festas son Assia, America, Satélites, París de Noia e Claxxon. Un auténtico despregue despois de dous anos nos que a festa ou non se celebrou ou se fixo dunha maneira moi descafeinada debido ás restricións por mor da pandemia.

O Concello sufragará tamén os gastos doutros grupos que se vaian contratando para o resto dos días. O obxectivo é poder desfrutar destas festas case con plena normalidade, aínda que sempre adoptando as medidas que nese momento poidan estar vixentes.

Deja una respuesta

Tu dirección de correo electrónico no será publicada. Los campos obligatorios están marcados con *