A noite de San Xoán en Cangas será en formato mini un ano máis. O Concello só permitirá facer fogueiras nun terzo da praia de Rodeira, exactamente na parte que está máis afastada das dunas, que se atopan en proceso de rexeneración tras o ataque provocado o verán pasado. No resto de areais estará prohibido. E para garantir que estas premisas cúmpranse, a alcaldesa asegura que se incrementará a presenza de axentes da Policía Local e de voluntarios de Protección Civil. Advirten de que quen se salte a normativa será sancionado.
En canto ás fogueiras privadas, funcionará como sempre. Aquelas persoas ou colectivos que queiran festexar a noite máis máxica do ano con lume deberán solicitar permiso no Concello.
Para a mañá seguinte, o Concello tamén decidiu que reforzará as tarefas de limpeza para que a praia de Rodeira atópese en perfecto estado para os bañistas, que non poderán acceder ao areas ata as 11:00 horas.
Alcaldía ten previsto publicar un bando onde se recollen todas regras a cumprir neste San Xoán.