A Concellería de Servizos Sociais, Igualdade, Feminismo e Sanidade de Cangas organiza un obradoiro de autodefensa cunha duración de 6 horas dividido en dúas xornadas. O obradoiro terá lugar o sábado 7 e o 14 de maio de 17:30 a 20:30h. O curso vai ser impartido por Jatsume Gaínza, profesional de artes marciais. Esta actividade está financiada con Fondos do Pacto de Estado contra as Violencias de Xénero do Ministerio de Igualdad, Secretaría de Estado de Igualdad y contra la Violencia de Género.
Este obradoiro está composto de parte teórica e práctica para traballar con técnicas básicas a defensa persoal. Está orientada a Mulleres a partir dos 16 anos de idade. O obradoiro é un achegamento a autodefensa revalorizando as ferramentas que posuímos a nivel individual e colectivo. O taller inclúe técnicas de distintas artes marciais como o Haidong Gumdo, Nippon Kempo ou Tae Kwon Do. Propóñense dinámicas tanto con práctica de ferramentas físicas como emocionais. Inscrición no CIM ata o venres 6 de maio, rúa Andalucía 3 Baixo Edificio Xoia 986392268, 986392266. De luns a venres en horario de 9:00 a 14:30h cim@cangas.gal.