Un ciclista resultou ferido leve esta tarde tras ser atropelado por un vehículo na rotonda de Aldán, na saída da Autovía do Morrazo. Segundo informa Protección Civil de Cangas, o home, veciño da parroquia, queixábase da cadeira e tivo que ser trasladado ao hospital Povisa. O motivo do accidente puido ser que o condutor do coche, que circulaba a pouca velocidade, cegouse coa luz do sol e non viu a bicicleta. Ocorreu ás 15:30 horas.
Operativo tras o atropelo esta tarde na rotonda de Aldán.