O mantemento das vías rurais é unha das prioridades de inversión nas parroquias que ten o Concello de Marín, debido á importancia que teñen estas infraestruturas de tráfico para vertebrar o territorio e dar servizos de mobilidade á veciñanza dos núcleos.
Dentro das prioridades do Concello, está a mellora integral da estrada que dá acceso a Arealonga, na parroquia de San Xulián, onde a empresa Tuatean, adxudicataria das obras, acaba de empezar cos traballos. Levarase a cabo a rehabilitación e ampliación do firme e a mellora do drenaxe da plataforma da vía, que ata agora está afectada por infiltracións tanto do talud como de escorrentías das parcelas colindantes, o que foi deteriorando cada vez máis a estrutura. Renovaranse todas as capas de rodadura e trataranse de aproveitar ao máximo os sobrenachos.
Ademais, renovarase tamén a sinalización horizontal mediante o pintado de marcas de seguridade e a sinalización vertical.
Búscase tamén que esta vía, agora infrautilizada pola seu mal estado, sexa unha alternativa segura e funcional para o acceso ao núcleo de Arealonga desde a Variante VG 4.4 e desde a estrada EP-0019 Figueirido-Marín.
Esta actuación supón unha inversión de 46.246 euros, con cargo ao Plan Camiña Rural da Xunta de Galicia.