Inicio La Entrevista Ana Ave, presidenta de Fecimo: “Non nos...

Ana Ave, presidenta de Fecimo: “Non nos sentimos escoitados nin representados por ninguna organización comercial provincial ni autonómica”

Aínda que lle gusta estar detrás, na retagarda quizá pola súa profesión, Ana Ave caracterízase por falar claro. É presidenta da Federación de Comerciantes do Morrazo (Fecimo) pero sobre todo é unha curranta que agora sofre, como o resto, os danos colaterais do estado de alarma. Como comerciante conta con tristura os días que pasa co seu negocio pechado, un estudo de fotografía de toda a vida no centro de Bueu, e móstrase moi preocupada polo futuro dun sector que se viu obrigado a frear a súa actividade cando aínda non se recuperou da última crise económica. Incerteza podería ser a palabra que resume gran parte do seu discurso.

MN.- ¿Cal é a situación actual do comercio e a pequena empresa na comarca do Morrazo?
A.A..- Son tempos difíciles para o sector comercial e a pequena empresa. Á caída de ingresos por mor da declaración do estado de alarma, unido á incerteza de non saber cando poderemos volver a abrir fai que teñamos que ser fortes mentalmente para aguantar a situación. Nesta situación a unión e apoiarse nos compañeiros e compañeiras que están a pasar unha situación similar é moi importante.

MN.- Desde o peche dos negocios ¿en que se está centrando Fecimo?

A.A..- Fecimo estase a centrar en asesorar e ofrecer toda a información posible ás nosas empresas asociadas e ao tecido comercial, hosteleiro e empresarial en xeral. Nestes tempos tentamos botar unha man á tódalas empresas porque é tempo de arrimar o hombro e sermos solidarios. Ademais, estamos xa deseñando campañas e accións para axudar ás empresas a recuperar o terreo perdido unha vez finalice o estado de alarma. A sociedade do Morrazo, veciñanza, concellos, empresas e asociacións, temos a enorme responsabilidade diante de non deixar desaparecer o noso tecido comercial, de ocio e produtivo.

MN.- Non se se aínda é pronto para saber se hai establecementos que non volverán abrir despois deste peche obrigado…

A.A..- De momento ainda estamos ao inicio desta crise. É certo que algúns negocios nos transmiten as suas dúbidas e inquedanzas, pero temos que agardar a que pasen as semanas. Todo vai a depender da duración do confinamento e da resposta da sociedade unha vez que todo remate.

MN.- Aínda que nunha crise sanitaria todos debemos estar a unha… ¿os comerciantes estades a sentirvos sós?

A.A..- Ao inicio da crise sí, botamos en falla unha información clara tanto do problema como das medidas que se estaban a levar a cabo para paliar o golpe ás empresas. Faltou un pouco de comunicación dende as institucións a nivel estatal e autonómico e xerouse un nervosismo excesivo nas primeiras xornadas da crise.

“Temos confianza en que os organismos públicos non nos deixen a un lado. Sería un golpe terrible para o comercio cando máis necesitados estamos de axuda. Gustaríanos ter esa certeza, pero a día de hoxe non o sabemos”

MN.- ¿Que estades a botar de menos…ou quizá de máis…?

A.A..- En primeiro lugar botamos en falla unha información clara sobre a magnitude do problema por parte das institucións estatais. O que nos impide poder facer unha planificación cun horizonte temporal mínimamente concreto. Ademáis, a nivel representación, botamos en falla unha organización comercial representativa a nivel provincial ou autonómico. Vemos na prensa que a Xunta por exemplo reúnese con representantes do sector a nivel autonómico pero a nos ninguén nos consulta como está a situación no Morrazo ou se interesasen polas nosas demandas, polo que nese sentido non nos sentimos escoitados nin representados.

MN.- Crees que asociacións ou confederacións de empresarios/comercio non están a defender os intereses do sector neste momento, cando máis se necesita?

A.A.- Non imos valorar o traballo doutras federacións, pero se unha federación ou confederación quere ser representativa ten, por forza, que escoitar ao sector e as asociacións máis representativas. Actualmente no está a pasar, e é algo que temos que mellorar no futuro. Temos que contar con entidades que nos representen e onde se nos escoite.

MN.- Unha vez levántese o estado de alarma ¿tedes garantías de contar co respaldo económico da administración, polo menos como ata o de agora?

A.A..- Temos a confianza de que os organismos públicos non nos deixen a un lado. Sería un golpe terrible para o comercio cando máis necesitados estamos de axuda. Gustaríanos ter esa certeza, pero a día de hoxe non o sabemos. A labor que se fai dende as asociacións locais é vital para o noso tecido comercial e agardamos seguir contando co apoio tanto da Xunta, como da Deputación e concellos. Só colaborando e camiñando xunt@s conseguiremos levantar isto.

MN.- ¿Falta claridade e compromiso?

A.A..- O compromiso sempre estivo ahí, é algo que temos que agradecer, tanto á Xunta coma a Deputación e aos Concellos de Cangas e Moaña nos últimos anos. Agora mesmo estamos en
conversas cos concellos do Morrazo para ver qué medidas podemos tomar, e coa Xunta estamos tendo menos contacto ainda que é entendible ao estar centrados na loita sanitaria contra o COVID-19. Contamos con todos eles para sair o máis axiña posible desta situación.

“Non ter axudas suporía a desaparición de moitas das asociacións

MN.- E se non hai axudas ¿en qué situación quedará Fecimo e o resto de asociacións?

A.A..- Sería unha situación extraordinariamente complicada. Levamos adiantado moito gasto contando coas axudas ás asociacións de comerciantes, polo que suporía deter de pleno a actividade. Actualmente, estamos en contacto con case tódalas asociacións de comerciantes a nivel autonómico e suporía a desaparición de moitas delas. Fecimo tería garantida a sua permanencia, máis con servizos mínimos. Hai que lembrar que as asociacións de comerciantes son entidades sen ánimo de lucro, na que a totalidade so seu orzamento vai adicada a promover o comercio e os negocios locais. É case inviable, dada a limitación para xerar ingresos, cubrir os custos da sua actividade coas cuotas de asociados. Por iso é importante contar co respaldo das institucións que deben compartir ese fin social que redunda no beneficio da sociedade galega.

MN.- O pequeno e mediano comercio é parte dunha engrenaxe económica na comarca do Morrazo. Se enferma de gravidade ¿a que outros sectores contaxiará obrigatoriamente?

A.A..- Tódolos sectores están en maior ou menor medida ligados ao sector comercial, non poderiamos tratalo como unha peza divisible. Lóxicamente os sector da hostalaría veríase perxudicado, pero quizais o máis preocupante dende o punto de vista económico sería a perda de emprego e capacidade adquisitiva de moitas persoas e unidades familiares. Hai que recordar que a maioría do tecido empresarial do Morrazo son microempresas e autónomos, dos que en moitos casos dependen boa parte dos ingresos da unidade familiar. Se queremos un Morrazo forte económicamente temos que fortalecer e coidar as nosas empresas.

“Decímoslles aos comerciantes que resistan con uñas e dentes e que non están sós”

MN.- ¿Situacións como esta poñen de relevo a importancia do apoio ao comercio local pero cando todo pase faranos concienciarnos e apostar por el?

A.A..- Dende Fecimo cremos que será así. Cremos que a sociedade se está a dar conta da importancia que ten investir na tua contorna. A xente tense que dar conta de que cando consume está facendo unha inversión. Que parte do que está a gastar vaise a redistribuir vía impostos, salarios, consumo cara a servizos públicos (sanidade, educación, infraestruturas, etc.) e xenerando novos ciclos de consumo na cotorna. O comercio e as empresas locais contribúen á manter eventos sociais, clubes e ventos deportivos, eventos culturais…a importancia no ecosistema social das nosas vilas é moi alto, e cando consumimos, cando tomamos a decisión de consumir temos que pensar onde queremos investir os nosos recursos. A sociedade tense que dar conta que comprar fora do Morrazo, empobrécenos como sociedade, e que o que hoxe pode parecernos máis barato, mañá vainos a sair moito máis caro.

MN.- ¿Que mensaxe enviaríaslle a todos os comerciantes, socios ou non, da comarca?

A.A..- Que sexan fortes, que resistan con uñas e dentes esta situación. Que non están sós nestes momentos e que dende FECIMO tendemos a man a tódalas empresas e asociacións para traballar en conxunto. É tempo de unir forzas, é tempo de traballar en conxunto, nunha única dirección e cun único obxectivo que é sermos máis fortes coma texido empresarial e coma sociedade. Xuntos conseguirémolo.

DEJA UNA RESPUESTA

Por favor ingrese su comentario!
Por favor ingrese su nombre aquí