A Policía Local de Moaña denunciou esta fin de semana un establecemento hostaleiro da localidade por incumprir a Lei de Establecementos de Galicia. Segundo informaron os axentes, este bar, situado na rúa As Barxas, estaba aberto ás 3.50 horas do domingo e aínda había clientes no interior consumindo.
A Policía Local insiste na necesidade de cumprir rigorosamente os horarios establecidos pola lei e, en caso contrario, «serán denunciados todos aqueles que non o respecten».