Votación favorable ás contas dos grupos, excepto do PP.

As contas da Mancomunidade do Morrazo para este ano por valor de 4,12 millóns de euros xa deron o seu primeiro paso importante, quedaron aprobadas inicialmente a falta da súa ratificación nunha segunda asemblea. A Casa do Mar de Bueu acolleu onte pola tarde a votación, na que se recolleron 23 votos a favor e os 7 en contra do Partido Popular de Cangas, Moaña e Bueu, que xustificaron a súa postura posicionándose en contra de pagar informes para a remunicipalización do servizo de lixo e apuntaron a que o que se quere é dar unha nova prórroga á actual empresa. Cuestión que a propia presidenta da Mancomunidade e alcaldesa de Moaña, Leticia Santos, negou asegurando que se trata dunha «contrato ponte» que permita á institución supramunicipal estar a punto para ofrecer un servizo en boas condicións. Ademais, Santos asegurou que «si ou si non se ía a prorrogar o contrato» con Urbasser.

A Asemblea, que durou apenas media hora, tamén deu o visto e bo á modificación da ordenanza para a bonificación do primeiro semestre de 2022 da taxa do lixo aos mesmos establecementos que en 2021 máis afectados polos peches da pandemia. Neste caso a iniciativa si obtivo todos os votos dos presentes e aprobouse por unanimidade. Do mesmo xeito que o terceiro punto, solicitar a Sogama reducir o prezo que a Mancomunidade págalle polo tratamento de cada tonelada de lixo alegando que o ente supramunicipal xa asume os custos da planta da Portela, xunto ao polígono de Castiñeiras.

Deja una respuesta

Tu dirección de correo electrónico no será publicada. Los campos obligatorios están marcados con *