Estado no que se atopa o vial neste momento.

A Autoridade Portuaria de Vigo procederá á reparación do firme do vial que da acceso á zona portuaria da Borna, en Moaña, ao longo da próxima semana. Salvo imprevistos ou inclemencias meteorolóxicas que impidan a execución dos mesmos, a reparación terá unha duración aproximada de 3 días.

Os traballos de reparación restrinxiranse á parte do vial incluído na zona de servizo da Autoridade Portuaria de Vigo. Durante a súa execución, a zona deberá atoparse libre de vehículos estacionados ou en tránsito, para o que a institución olívica solicita a colaboración do Concello de Moaña para poder restrinxir o acceso á devandita zona por parte de particulares, en coordinación cos servizos da Policía Portuaria. De igual forma, o organismo que preside Vázquez Almuiña solicita a máxima colaboración por parte dos usuarios para compatibilizar as devanditas obras coa actividade na zona.

Os traballos, adxudicados a Construcións Fechi S.L.U., consistirán nun fresado parcial do firme existente e a extensión dunha capa de aglomerado asfáltico en toda a superficie de actuación, así como a colocación dos servizos afectados a cota de nova pavimentación nunha superficie total duns 1.300 m 2 .

Nos últimos tempos usuarios e empresarios da zona dirixíronse ao Concello de Moaña para que intermediase coa Autoridade Portuaria no arranxo do vial polo seu mal estado.

Deja una respuesta

Tu dirección de correo electrónico no será publicada. Los campos obligatorios están marcados con *