Moaña e a Asociación Érguete non deixan de traballar na prevención de adiccións nos e nas menores do municipio. O Concello sumarán forzas de novo coa entidade para que a mocidade da vila coñeza os riscos e os problemas dos comportamentos adictivos. Aproveitando o inicio de curso, a Concellaría de Benestar Social, María Ortega, reuníronse coa coordinadora da Asociación Érguete, Elvira Rivas, e a responsable da Oficina Técnica de Prevención de Érguete, Laura Durán, para planificar a estratexia a seguir durante este curso.
O perigo do atracón do alcol no botellón, o cannabis, o xogo online e as apostas deportivas son os puntos que, tanto para o Concello como para a Asociación, “son prioritarios”. Estas actuacións serán levadas a cabo en todos os centros educativos do Concello, e contarase tamén con formacións específicas para as familias.
Moaña e a Asociación Érguete levan anos traballando en común baixo a Oficina Técnica de Prevención que financia a Consellería de Sanidade da Xunta de Galicia.
A Concelleira destaca que “os resultados avalan que se está a facer un bo traballo”, e indicou que soamente durante o último curso “327 menores da nosa vila recibiron formación en prevención de adiccións”. “Aínda que non podemos baixar a garda e debemos continuar traballando para aportar as mellores ferramentas aos e ás menores”.
A coordinadora da Asociación Érguete quere agradecer ao Concello de Moaña “a súa implicación coas nosas propostas”, e está convencida que este tipo de políticas preventivas son as “máis axeitadas para traballar no ámbito das adiccións”.