Miúdo susto levou o condutor dun coche esta mañá na praia de Rodeira, en Cangas, que viu como o seu vehículo comezaba a andar ata terminar na area. Segundo Protección Civil, produciuse por un fallo mecánico. Afortunadamente non houbo que lamentar danos persoais e, coa axuda dos Bombeiros, lograron retiralo con rapidez.
Pero non foi o único suceso da mañá. Á primeira hora, a iso das 8:15, tivo lugar un atropelo no paso de peóns de acceso ao Porto de Cangas. A persoa ferida, de mediana idade e en principio leve, atopábase consciente.