As mesmas persoas que trataron de subtraer máis de 300 quilos de ameixa na praia da Xunqueira, e que por este motivo foron denunciados por Garda Civil e Policía Local de Moaña, foron sorprendidos onte novamente roubando na praia de Cobas, en Vilaboa. Vixiantes da confradía da Pedra da Oliveira e da Garda Civil de Moaña atopáronse coa presenza de varias persoas con traxe de neopreno levándose bivalvos. Ao ser pillados in fragantis, parte do material tirárono ao mar pero conseguiron fuxir co resto. Afortunadamente, pouco máis tarde foron interceptados pola Policía Local de Poio, que descubriu que no interior do vehículo portaban varios quilos de ameixa.
Estas persoas xa son coñecidos polos vixiantes e polas forzas e corpos de seguridade.