Visita esta mañá ao Paseo do Vaticano.

Moaña termina as obras de accesibilidade no Paseo do Vaticano, no tramo comprendido entre a entrada ao porto de pasaxe e a rampla da Ramona, en pleno centro do municipio. Trátase dunhas melloras asumidas polo Concello dentro do convenio subscrito con Portos de Galicia para conseguir que tamén se reparase o paseo de madeira en mal estado na contorna de O Con.

A alcaldesa, Leticia Santos, a tenente de alcaldesa, Marta Freire, e o edil de Mobilidade, Rodrigo Currás, visitaron esta mañá a zona para comprobar o resultado dos traballos que xa foran aplaudidos por asociacións como Discamino e Aspansim.

Portos e Concello asinaron un convenio a finais de 2020 no que se incluían tres puntos importantes para o municipio. Unha vez executados os traballos no peirao de O Con por parte da administración autonómica, o mantemento posterior pasa a ser responsabilidade do Concello.

Ademais, o documento recollía a separación da iluminación pública da rúa José Costa Alonso do da zona portuaria de forma que o Concello poida encargarse da iluminación dese tramo para igualar a súa estética coa do resto do municipio.

Por último, a autorización por parte de Portos ao goberno local a realizar estas obras de mellora da accesibilidade no Paseo do Vaticano. Uns traballos que xa están executados.

Deja una respuesta

Tu dirección de correo electrónico no será publicada. Los campos obligatorios están marcados con *