Morre Paco Ferreira

Dic 29, 2021
Paco Ferreira no acto da pancarta o pasado mes de outobro.

Moaña chora a morte do activista social e dirixente honorífico da asociación veciños Tirán, Francisco `Paco´ Ferreira. Un colectivo que presidiu durante anos ata que tivo que abandonar a directiva por motivos de saúde a principios deste 2021. De feito, o pasado mes de maio a entidade fíxolle un homenaxe sorpresa e instalou unha escultura no seu nome en agradecemento ao labor e o traballo realizado pola parroquia.

Ferreira atopábase moi delicado de saúde por mor da enfermidade que lle apartaba da actividade social e o último acto no que puidemos velo foi na destrución simbólica da pancarta na que a Plataforma en Defensa da Sanidade Pública, que tamén presidiu, reivindicaba un novo centro de saúde para Moaña. Foi ás portas da Casa do Mar o 15 de outubro. Un logro no que tivo moito que ver.

A súa morte causou unha gran consternación no tecido social e cultural moañés, tamén no seo do goberno local e, especialmente, entre os veciños da súa querida parroquia de Tirán.

Deja una respuesta

Tu dirección de correo electrónico no será publicada. Los campos obligatorios están marcados con *