Moaña pon en marcha un proxecto de accesibilidade nas súas rúas con pictogramas en pasos de peóns para facilitar a integración de persoas con TEA, problemas funcionais, maiores e nenos.
‘Para’, ‘Mira’, ‘Coche parado’ ou ‘Cruza’ son palabras sinxelas que indican accións para alertar e avisar aos peóns que circulan polas beirarrúas. Con todo, non todas as persoas logran comprender estes “sinxelos e curtas mensaxes”, por exemplo aquelas con trastorno do espectro autista (TEA), as que teñen asociada algunha discapacidade funcional, ou mesmo os nenos que aínda non saben ler. Co simple xesto de asociar estas palabras a determinadas imaxes que expresan eses conceptos, convértense en accesibles e facilitan a identificación e entendemento do seu significado. E é que os pictogramas son un recurso moi útil para lograr comprender determinadas mensaxes, como os que puxeron en marcha desde o Concello de Moaña.
Con esta medida preténdese facilitar dunha maneira “máis visual e sinxela” como poder levar a cabo e “con total seguridade” o cruzamento nos pasos de peóns.
A concellería de Benestar Social, Igualdade e Accesibilidade, xunto coa Asociación Superhéroes do Morrazo, aproveitou a oportunidade de que se ían a pintar estes novos pasos de peóns para seguir avanzando na integración de todas as persoas na vida cotiá de concello de Moaña, co propósito de poder seguir instaurándoo nas estradas que son do Concello, especialmente nas inmediacións dos centros de ensino e parques.
Ademais, queren seguir traballando neste tipo de iniciativas, de maneira que poñan ao Concello de Moaña á vangarda en canto á integración de todas as persoas veciñas deste municipio.